Овој производ е приспособен за работа со сите постојни квалификувани електронски сертификати на пазарот на Република Македонија. Тој овозможува безбедна автентикација на корисникот со електронски сертификат, како и потпишување на електронски документи. Производот содржи и придружни сервиси за втиснување на временски жиг и архивирање на електронски документи.

Соработката со клиентот е еден од клучните фактори на успехот во имплементацијата на софтверското решение. Поради тоа Сага активно ги вклучува своите клиенти во процесот на работа од самиот почеток, за да се обезбеди решение што ќе ги исполни нивните барања и ќе одговори на потребите на работењето.

Агилната методологија што ја користиме овозможува постојано учество на клиентот низ заедничко осмислување на софтверското решение според неговите потреби.

На овој начин тие имаат постојан увид во степенот на реализацијата, како и во механизмите со кои ќе обезбедат брза повратна информација. На тој начин се обезбедува крајниот резултат во целост да одговара на корисничките барања.

Решенија што се модуларни, скалабилни и високо достапни му даваат флексибилност на работењето што е потребна во современите услови за да остане конкурентен бизнисот.

Во рамките на решенијата во доменот на архитектурата што ги креираат нашите експерти, посебно внимание се посветува на архитектура водена од моделот, сервисно ориентирана архитектура и архитектура заснована на микросервиси. Благодарејќи на експертизата што ја поседуваат нашите вработени, за секој клиент е можно да се креира оптимално решение за градбените блокови на системот од гледна точка на безбедноста, достапноста, перформансите или скалабилноста.

Долгогодишното искуство во креирањето и имплементацијата на софтвери за различни намени,како и комплексноста и решителноста на Сага да ги вгради современите трендови во развојот на архитектурата на системите во секој производ, се гарација за исполнување на сите нефункционални барања.

Заштита на податоците во време кога секојдневно се споделуваат, праќаат и чуваат голем број на информации не е само потреба на работењето, туку често пати претставува и обврска регулирана со закон.

Софтверските решенија, освен што треба да одговорат на барањата на работењето на секој клиент, мора да бидат усогласени и со нормите што се пропишани со регулативата. Безбедносните барања, како оние пропишани со закон, така и оние што се специфични за секоја компанија, секогаш се во фокусот на реализацијата на секое од нашите решенија што се интегрирани со компонентите кои користат квалификувани електронски сертификати, двостепена авторизација, криптирање на податоците и други механизми што овозможуваат највисок степен на заштита на вашите податоци.

Агилната методологија што ја користиме во организацијата и во водењето на проектите ги сведува на најмала можна мера ризиците на процесот на развојот на софтвер. Благодарејќи на оваа методологија, секој проект се води како посебна приказна кон која се приспособува пристапот во зависност од сложеноста на проектот, времето на располагање и достапните ресурси. Развојот се одвива низ низа последователни повторувања во кои барањата на клиентот се трансформираат во компоненти на финалното софтверско решение. По почетната формализација на корисничките барања, процесот на развој минува низ низа јасно дефинирани фази во кои активна улога имаат и клиентите, со што е обезбедено високо ниво на квалитет на конечното решение.