Функционирањето на секој деловен систем зависи од тоа како тој е поврзан интерно и екстерно. Затоа IP-мрежите се незаобиколна претпоставка за континуитетот на работењето.

Компании од различни дејности и големини имаат различни потреби за мрежни решенија. Со нивниот раст и развој се менуваат барањата и потребите, така што иновациите и унапредувањата на овие решенија често се неопходни.

Стручниот тим на Сага познат по експертизата во оваа област применува технологија развиена од реномирани глобални производители за да одговори на секое барање од доменот на сервис-провајдерите и на корпоративното деловно опкружување, кои се однесуваат на мрежите LAN, WAN, SP, DC.

„Технологијата „Voice over IP“ веќе подолго време е стандарден сервис што го користат многу компании во рамките на нивните корпоративни мрежи. Ова е особено важно во компании што работат на повеќе различни локации. За ефикасноста на нивното работење е многу битно вработените на различни локации да можат лесно да комуницираат и да одржуваат состаноци преку видео конференции. За да се олесни и забрза комуникацијата, на компаниите често им е потребно да имаат на располагање решенија за размена на пораки. „Instant messaging“апликациите примарно се наменети за лична употреба, но се незаменливи кога е потребно информациите да се споделат брзо. Заедно со voice/video решенијата и придружните сервиси, тие претставуваат интегрално решение за колаборација.

Деловните процеси во секоја компанија што работи во услови кои ги диктира денешниот пазар се сложени, а нивното извршување многу често зависи од голем број апликации. Затоа е од пресудно значење IP-мрежата да биде таква што ќе овозможи апликациите да работат без пречки, како и нивно забрзување и автоматизирање. Тоа од своја страна бара значително ангажирање на кадрите задолжени за ИТ-инфраструктурата кои не се секогаш на располагање.

Развојот на софтверски дефинирани мрежи овозможува на сите барања да се одговори на едноставен начин со контрола на поголем број мрежни уреди од една точка, во истиот момент.

Дополнително, развојот на виртуализирани сервиси доведе до интеграција на SDN во инфраструктурата на дата-центрите, а сè со цел низ процесите на автоматизирана контрола на грешки и „machine learning“ да им се овозможи на компаниите да реагираат проактивно и пред да се појави проблем.

Повеќето потрошувачи денес ги пребаруваат информациите за производите и услугите на своите мобилни телефони во движење, додека се во процесот на купување. Локациските сервиси се незаменлива алатка за откривање на навиките на потрошувачите, што им овозможуваат на трговските центри и на познатите трговски марки, да го анализираат нивното однесување и врз основа на тоа да управуваат со комуникацијата со нив и да носат деловни одлуки во согласност со потребите на потрошувачите.

Пионерското решение на Сага – G# е засновано на безжична технологија на познати светски производители на мрежна опрема, со сопствен развој на софтвер што го прави системот интелигентен и подготвен да ги обезбеди податоците што се неопходни за носење одлуки.

Благодарение на забрзаниот развој на хардверот и на иновативните комуникациски решенија, можно е поврзување на два система со минимална употреба на уреди и сензори. Концептот „Internet Of Things“ овозможува сè да биде поврзано на мрежа од апарати во домаќинството до големи системи, како што се електродистрибуција, водовод и слично. Можностите за развој се неограничени. Со зголемување на можностите се зголемуваат и ризиците, па безбедноста и сигурноста на IoT мрежите е критичен фактор за успешно користење на сите предности и функционалности што тие ги носат.

Поради специфичностите на секој проект IoT, Сага разви партнерство со повеќе производители на опрема, фирми и научни институти, со кои реализира предизвикувачки проекти. Фокусот на секторот за мрежни технологии е ставен на енергетиката, нафтата и гасот, фабриките, паметните градови и транспортните системи.