Контејнерите го достигнаа нивото на зрелост што е потребнo за продукција. Платформите за оркестрација гарантираат расположливост и перформанси на продукциските сервиси управувајќи со број на активни контејнери (подови) во секој момент. Леснотијата и брзината на подигањето на docker-контејнерите, нивната неизменливост и изолација на софтверските зависности, ги прават идеални за транспарентни миграции и скалирање на сервисите меѓу приватната и јавната инфраструктура.

Платформите за оркестрација на контејнерите претставуваат природно опкружување за развој на cloud native апликацијата, за кратки циклуси на развој на нови функционалности (CI/CD), автоматизирани процеси на креирање на опкружувањето (infrastructure as code), автоматизирано тестирање на софтвер и за контролирано пуштање на нови верзии во продукција, односно на сите аспекти на devOps парадигмата. Kubernetes e основа на неколку комерцијални решенија од овој тип, како што се IBM Cloud Private и Red Hat Openshift.

Преминот од монолитни информациски системи на микросервис архитектура е сложен и долготраен процес. Сервисно-ориентираната архитектура и технологијата Enterprise Service Bus се неизбежен чекор кон таа цел. Првите иновации со микросервисите, на нови контејнер платформи, можат да почнат веднаш, кога legacy системите ќе ги изложите во форма на REST API интерфејс. ESB може да биде врската меѓу старите и современите технологии, отворајќи можност за постепени и контролирани миграции или може да биде точка која ги поврзува вашите on-premise апликации со сервисите на public cloud инфраструктурата или со јавни SaaS и PaaS сервиси.

Во архитектурата на лесно врзаните компоненти кои комуницираат исклучиво преку API, важно е да имате целосна контрола врз сите интерфејси - од ажурирана API документација ,API верзионирање, мониторинг на употреба и интеграција со системите за наплата, до право на пристап и контролата на она што е изложено и под кои услови.

Hybrid cloud подразбира постоење на кориснички налози во два домена – приватен (on-premise) и јавен (public cloud). Јавниот домен потенцијално претставува збир на повеќе безбедносни домени што им припаѓаат на различни cloud провајдери. За да се спроведува доследно безбедносната политика на компанијата во сложеното хибридно опкружување, потребно е да се воспостави јасна врска меѓу корисничките сметки во различни домени и да се контролираат сите процеси на отворање, измена на атрибути и права и конечно затворање на сметките. Покрај традиционалните решенија IAM, денес на сцена се и нови производи специјализирани за cloud опкружувања, како што е Cloud Access Security Broker – CASB.

Основната пречка во прифаќањето на public cloud решенијата е законската рамка, односно забраната за чување лични податоци од една држава во дата-центри на друга држава. Oracle нуди оригинална Cloud-at-Customer опција, каде своите public cloud сервиси, вклучително и водечките PaaS производи за базите на податоци, ги нуди во форма на on-premise систем. Понудата е особено интересна за постојните корисници на производот Exadata Database Machine, бидејќи со интеграција на Cloud-at-Customer системите можат да се креираат disaster recovery, развојни и тестни опкружувања што се сигурни, перформантни, во согласност со законот, а ги носат сите погодноти на PaaS услугата – модел на претплата и целосна техничка поддршка.