Дигиталната трансформација на работењето е деловен процес што се одвива во фази. Секоја од нив има за цел конечниот резултат да одговори на потребите на конкретната компанија и на нејзиниот модел на работење.

• Дефинирање на стратегија – Консултантски услуги во областа на дигиталната трансформација

Сè почнува со консултации. Прв и најважен чекор на патувањето наречено дигитална трансформација подразбира ангажирање на наш тим кој дава консултантски услуги. Во оваа почетна фаза се анализираат моменталните деловни модели, како и можноста за дигитални услуги низ сеопфатна проценка на работењето (анализа на податоци, анализа на процеси, точки на допир меѓу клиентите и компанијата, процес на обработка на податоците, вредност на информациите и нивна структура, корисничко искуство). Потоа се планира и се спроведува работилница во текот на која CxO нивото на менаџментот се запознава со деловниот модел на дигитална трансформација. Исходот од оваа фаза е усогласен предлог на деловен модел на дигитална трансформација и план на извршување.

• План на извршување – Иновација на дигиталниот деловен модел

Цел на оваа фаза е да се покријат сите нови аспекти и влијанија на договорениот деловен модел со новите дигитални услуги. За таа цел се изработува комплетно нова проценка на новиот деловен модел, се дефинира новата архитектура на информацискиот систем, се анализираат сите канали на комуникација (омни/опти канали), автоматизација на процесот и интеграција. Исходот од оваа фаза е договорен план на активности за дигитална трансформација.

• Имплементација и реализација на дигиталната трансформација – Приспособување на информацискиот систем

Завршната фаза е најсериозниот чекор во кој е многу важно да се одредат вистинскиот опсег и димензии, како и да се усогласи новиот информациски систем со сите клучни хардверски столбови, со старите/новите основни дигитални услуги и апликации со аналитика во реално време, како и со сите аспекти на сајбер-безбедноста за целиот IT систем. Со оглед дека главна причина за неуспех на проектите се луѓето и нивната подготвеност да прифаќаат промени и нов деловен модел, во оваа фаза се врши и едукација што е клучна за успех на проектот за дигитална трансформација.

Иако оваа завршна фаза служи дигиталната трансформација да се доведе до својата цел, таа сепак е „приказна што никогаш не завршува“. Таа бара организирање на континуирани циклуси на анализирање и подобрување на деловниот модел низ прифаќање на новите дигитални услуги и пристап што е фокусиран на клиентот.

ОСНОВА НА НАШАТА DT ПИРАМИДА: